அதே மனைவி?

பல வருடங்களுக்கு முன் எனக்கு நடந்த அனுபவம் இது. அப்போது நாங்கள் அமெரிக்கா வந்து ஓரிரண்டு வருடங்கள் ஆகியிருக்கும். நான் புதிதாக ஒரு கம்பெனியில் சேர்ந்திருந்தேன். அங்கு என்னை தவிர வேறு யாரும் இந்தியர்கள் இல்லை. எல்லா அனுபவமுமே கொஞ்சம் புதியதாக இருந்தது. 

அதில் இந்த அனுபவம் கொஞ்சம் அதிர்ச்சியாகவே இருந்தது!

எங்கள் இரண்டாவது குழந்தை பிறந்த வேளை. அந்த செய்தியை  இந்திய வழக்கப்படி, அலுவலகத்தில் பலருடன் பகிர்ந்து கொண்டேன். அப்போது உடன் பணி புரிந்த ஒருவர் - அமெரிக்கர்- உடனான உரையாடல்..தமிழில்..

அமெரிக்கர்: "இது தான் உங்கள் முதல் குழந்தையா?"

நான்: "இல்லை. இது இரண்டாவது குழந்தை. என் முதல் குழந்தைக்கு ஆறு வயதாகிறது"

அமெரிக்கர்: "இதே  மனைவியுடனா?"

நான் முழிப்பதை பார்த்து, அவர் மறுபடி விளக்கமாக 

"முதல் குழந்தையும் இதே மனைவியுடனா இல்லை இது வேறு கல்யாணத்திற்கு பிறகா?"..

கொஞ்ச நேரம் அதிர்ச்சியில் எனக்கு பேச்சே வரவில்லை!