Thursday, January 3, 2019

சபரிமலை!



இந்த பதிவு சபரிமலையில் பெண்களை அனுமதிக்கலாமா கூடாதா என்பது பற்றி அல்ல.

எல்லோருக்கும் தெரிந்த உண்மைகளை பதிவு செய்கிறேன்

- கேரளாவின் மொத்த மக்கள் தொகை 2011 ஆண்டில் மூன்றறை கோடி. (இப்போது நான்கு கோடி இருக்கும் என நினைக்கிறேன். பாதி பெண்கள் இருக்கும். ஒரு 2 கோடி? இதில் ஒரு 50 லட்சம் 15 வயதுக்கு கீழுள்ளவர்கள் மற்றும் 60 வயதுக்கு மேற்பட்டவர்களுக்கு இருக்கும். மீதி ஒன்றரை கோடி )
- கேரளாவின் சாலைகளின் மொத்த நீளம் கிட்டதட்ட ஒன்றரை லட்சம் கிலோ மீட்டர்கள்.
- வனிதா மதில் பேரணியில் 50 லட்சம் மக்கள் 620 கிலோ மீட்டர் தூரத்துக்கு வரிசையில் நின்றிருந்தார்கள் - பினராயி அரசு (அதாவது மூன்றில் ஒரு பங்கு கேரள பெண்கள் சரியாக அரைமணி நேரத்துக்கு வரிசையில் வெறும் 620 கிலோ மீட்டர் தூரத்துக்கு நின்றிருந்தார்கள்!)
- கேரள அரசு ஆளுங்கட்சி CPI (M). இந்திய அளவில் காங்கிரஸ் உடன் இணைந்து செயல்படும் ஒன்று. ஆனால் காங்கிரஸ் கேரளாவில் சபரிமலை மீதான அரசு  நடவடிக்கைக்கு எதிர்ப்பு தெரிவிக்கிறது
- பிஜேபி இந்திய அளவில் ஆளும் கட்சி. மாநில அளவில் போராட்டத்தை முன்னின்று நடத்துகிறது
- பிஜேபி தென் இந்தியாவில் வலுவாக கால் ஊன்ற இதை ஒரு பெரிய வாய்ப்பாக பார்க்கிறது
- காங்கிரசை பொறுத்தவரை காற்று எந்தப்பக்கம் அடிக்கும் என்று தெரியாமல் பின்னர் அதற்க்கேற்றமாதிரி நிலை எடுக்கலாம் என்று காத்திருக்கிறது
- CPI (M ) ஐ பொறுத்தவரை - பெண்கள் மீதான அதீத பாசம் - உச்ச நீதி மன்றத்தின் தீர்ப்பை எப்பாடு பட்டாவது அமுல் படுத்தும் நீதிக்கு தலை வணங்கும் நேர்மை - என்றெல்லாம் யாருமே நம்பமாட்டார்கள். இவர்கள் தான் மார்தோமா சர்ச், முல்லை பெரியாறு விஷயங்களில் கோர்ட் பேச்சைக் கேட்பதில்லை  பாதிரியார் ஒருவர் மீதான கன்னியாஸ்திரீகளின் குற்றசாட்டை கேட்கவும் தயாராக இல்லாத பெண் உரிமை பாதுகாவலர்கள்!
- CPI (M ) நோக்கம் புரியவில்லை. பிற மதங்களுக்கு சார்பாகவா.. இல்லை பிஜேபி காலூன்ற கள்ளத் தனமாக பினரயி கை கோர்த்திருக்கிறாரா.. மக்கள் நலனுக்காக எந்த அரசியல் கட்சியும் இல்லை என்பதில் சந்தேகமே இல்லை.
- எல்லோருமே இது வெறும் கேரளா விவகாரமாக இருக்க வைத்துக்கொண்டிருக்கிறார்கள்.

என்னமோ நடக்குது. ஒண்ணுமே புரியலை..

ஸ்வாமியே சரணம் ஐயப்பா !
மறுமொழிப்பெட்டி:
>தமிழிலும் மறுமொழியிடலாம்
Loading...

2 comments:

Krishna Moorthy S said...

எல்லோருக்கும் தெரிந்ததாகப் பட்டியலிட்டிருப்பவை, அத்தனையும் அப்படியே உண்மைதானா? ஆம் என்று சொல்வதற்கில்லை

செய்திகளில் அளவுக்கு உண்மை என்று பார்க்க முடிந்தால் என்னமோ நடக்குது ஆனா ஒண்ணுமே புரியலை என்று தடுமாற வேண்டி வராது.

ஒரே ஒரு உறுதிசெய்யப்பட்ட தகவலை வைத்து இப்போது என்னதான் உண்மையான பிரச்சினை என்று அனுமானிக்க முடியும். ஜனவரி 1 ஆம் தேதி அதிகாலை போலீஸ் பாதுகாப்புடன் சபரிமலை சன்னிதானத்துக்குள் தரிசனம் செய்த பெண்கள் இருவரும் மலையாளிகள் ஏற்கெனெவே சென்னையைச் சேர்ந்த மனிதி அமைப்பினருடன் சேர்ந்து சுவாமிதரிசனம் செய்ய முயன்று அப்போது போலீசாலும் தடுத்துத் திருப்பப்பட்டவர்கள். இருவரும் மார்க்சிஸ்ட் கம்யூனிஸ்ட் கட்சி தொடர்புடையவர்கள். இதில் துர்க்கா என்கிற பெண்ணின் சகோதரர், அவரை மார்க்சிஸ்டுகள் தற்போது தங்கள் கட்டுப்பாட்டில் எங்கே வைத்திருக்கிறார்கள் என்ற விவரம் கூடக் குடும்பத்தினருக்குத் தெரியாமல் வைத்திருக்கிறார்கள் என்று சொன்னது செய்தியாக வந்திருக்கிறது

ஆக, கேரளத்தில் மார்க்சிஸ்டுகள், மேற்குவங்கத்தில் செய்த அதே தவறையே திரும்பச் செய்யத் துணிந்திருக்கிறார்கள். அங்கு ஏற்பட்ட முடிவே கேரளத்திலும் திரும்புமா என்பதை பொறுத்திருந்து பார்க்க வேண்டும்.

வேகநரி said...

//CPI (M ) ஐ பொறுத்தவரை - பெண்கள் மீதான அதீத பாசம் - உச்ச நீதி மன்றத்தின் தீர்ப்பை எப்பாடு பட்டாவது அமுல் படுத்தும் நீதிக்கு தலை வணங்கும் நேர்மை - என்றெல்லாம் யாருமே நம்பமாட்டார்கள்.//
யாரும் நம்பமாட்டார்கள் தான். அவர்களுக்கு பெண்கள் மீதான அதீத பாசமா! கம்யூனிஸ்ட் கட்சி வனிதா மதில் என்று அதில் இஸ்லாமிய பெண்களை கடைந்தெடுத்த பெண் அடிமைதன அரபு புர்க்காவுடன் மூடி மறைத்து நிறுத்தி வைத்து கொண்டு பெண்கள் உரிமை பெண்சமத்துவம் என்பது எல்லாம் கேலிகூத்து.